İstifadə şərtləri

Visa istənilən zaman bu postu yeniləməklə bu Qaydalara düzəlişlər edə bilər. Belə düzəlişlər sizə şamil edildiyinə görə ara-sıra bu Qaydaları nəzərdən keçirmək üçün bu səhifəyə baş çəkməyiniz tövsiyə olunur.

Visa International Service Association www.Visa.com saytını idarə edir və onun əlaqədar saytları şəxsi məlumat əldə etməniz, əylənməyiniz və zövq almağınız üçündür. Visa Saytını çəkinmədən nəzərdən keçirə, saytdan materialları yükləyə və ondan başqa məqsədlər üçün istifadə edə bilərsiniz. Eyni zamanda lütfən yaddan çıxarmayın ki, Visa Saytına daxil olmanız aşağıdakı qaydalarla, eləcə də müvafiq qanunlarla idarə olunur. Visa saytına daxil olmaqla və ondan istifadə etməklə siz heç bir məhdudiyyət və şərt irəli sürmədən həmin Qaydalarla razılaşırsınız və istənilən mübahisəli halda, bu Qaydaların Visa ilə aranızda olan hər hansı digər razılaşmalardan üstün olduğunu qəbul edirsiniz. Əgər siz bu Qaydalarla razılaşmırsınızsa, lütfən Visa saytından istifadə etməyin.

Bundan əlavə, lütfən nəzərə alın ki, Visa U.S.A. vebsaytı məxsusi olaraq ona şamil olunan məxfilik siyasətinə malikdir. Başqa ölkələr və ya regionlar üçün nəzərdə tutulan vebsaytlara və ya Visa U.S.A-nin sahib olduğu və ya istismar etdiyi başqa vebsaytlara daxil olan zaman, hər bir konkret sayt üçün məxfilik siyasətini nəzərdən keçirməyiniz tövsiyə olunur, çünki hər biri müxtəlif şərtlər ehtiva edə bilər.

Visa Saytına daxil olma və ya ondan istifadə bütün müvafiq beynəlxalq, federal və ştat qanunları və qaydaları, eləcə də yerli qanun və qaydalara uyğun həyata keçirilir. Əksi konkret olaraq göstərilmədiyi halda, Visa Saytında sərgilənən məlumatları yalnız şəxsi, qeyri-kommersiya məqsədli istifadə üçün endirə bilərsiniz. Siz Visa Saytında sərgilənən hər hansı məlumat və ya materialı Visa-nın və ya onun zəruri hesab etdiyin üçüncü tərəfin yazılı razılığı olmadan ictimai maraq naminə və ya kommersiya məqsədilə yaya, dəyişdirə, surətini çıxara, nəşr edə, ötürə, nümayiş etdirə, sata, lisenziyalaşdıra, istifadə və ya təkrar istifadə edə, yaxud onlardan törəmə işlər yarada bilməzsiniz. Siz endirilmiş və/və ya kopyalanmış materialdakı müəllif hüququ və başqa mülkiyyət hüququ ilə bağlı bütün qeydləri saxlamalısınız. Həmçinin, Visa Saytından hər hansı məqsədlə kopyaladığınız və yaydığınız istənilən materiala da bu Qaydalar şamil edilirlər. Siz Visa Saytından ona, yaxud onun bazasını təşkil edən hər hansı serverə və ya şəbəkəyə bilərəkdən yaxud bilmədən zərər vuracaq və ya mənfi təsir göstərəcək şəkildə daxil ola yaxud onlardan istifadə edə və ya başqalarının Saytdan istifadə etməsinə və zövq almasına müdaxilə edə bilməzsiniz.

Əksi qeyd edilmədiyi halda, Visa Saytında bütün materialların müəllif hüququ ilə qorunduğunu, Qaydalarda nəzərdə tutulandan fərqli şəkildə və ya Visa-nın və ya onun zəruri hesab etdiyi üçüncü tərəfin birmənalı yazılı razılığı olmadan istifadə edilməməli olduğunu bilməlisiniz. Bu sayta, onun funksiyalarına və sayt vasitəsilə çıxış əldə edilə bilən xidmətlərə aşağıdakılar daxil olmaqla, lakin onlarla məhdudlaşdırılmayaraq, bir və ya bir neçə patent tətbiq olunur: ABŞ Patenti № 6091956 və bütün müvafiq əcnəbi alternativlər. Visa, Visa Saytında nümayiş etdirilən materialdan istifadənizin üçüncü tərəflərin hüquqlarını pozmayacağına zəmanət vermir və ya bildirmir. Visa Saytında təsvir edilən hər hansı məhsul, xidmət, proqram və ya texnologiya Visa-nın sahib olduğu başqa əqli mülkiyyət hüquqlarının (müəllif hüququ, əmtəə nişanı və ya patent hüquqları daxil olmaqla, lakin bunlarla məhdudlaşdırılmayaraq) subyekti ola bilər. Burada açıq şəkildə lisenziyalaşdırılmamış hər hansı belə hüquq Visa-nın sərəncamında qalır.

Visa Saytında sərgilənən insan və yer rəsmləri ya Visa-nın mülkiyyətidir, ya da Visa-nın icazəsi ilə istifadə olunur. Qaydalarda və ya Visa Saytının başqa hissəsində birmənalı şəkildə icazə verilmədiyi halda, sizin və ya başqa üçüncü tərəflərin bu rəsmlərdən istifadə etməsi qadağandır. Bu rəsmlərin istənilən icazəsiz istifadəsi müəllif hüquqları qanunlarını, əmtəə nişanı qanunlarını, şəxsi həyatın toxunulmazlığı və ictimai istifadə haqqında qanunları, digər müvafiq qaydaları və müddəaları poza bilər.

Visa tərəfindən Visa saytında dərc olunan hər hansı sənəddə təsvir edilən hər hansı məhsul, xidmət, proqram və ya texnologiya Visa-nın sahib olduğu başqa əqli mülkiyyət hüquqlarının subyekti ola bilər. Burada açıq şəkildə lisenziyalaşdırılmamış hər hansı belə hüquq Visa-nın sərəncamında qalır.

Visa-ya aid edilməyən əmtəə nişanları və müəllif hüquqları öz müvafiq sahiblərinin mülkiyyətidirlər.

Visa Saytında yer verilən qeydiyyata alınmış və ya alınmamış əmtəə nişanları, loqolar və xidmət nişanları (ümumilikdə "Əmtəə nişanları") Visa-nın və başqalarının əmtəə nişanlarıdır. «the Three Bands Design» və «It's Everywhere You Want To» Amerika Birləşmiş Ştatlarında və başqa ölkələrdə Visa-nın Əmtəə nişanlarıdırlar (Visa Saytında əmtəə nişanı işarələri Amerika Birləşmiş Ştatlarında federal qeydiyyatları göstərir). Visa Saytında yer tutan alt məna, estoppel və ya başqa bir üsulla Visa və ya Əmtəə nişanına sahib ola biləcək hər hansı üçüncü tərəfin yazılı razılığı olmadan, Visa Saytında sərgilənən hər hansı Əmtəə nişanından istifadə üçün lisenziya və hüququn verilməsi kimi anlaşılmamalıdır. Visa Saytında sərgilənən hər hansı Əmtəə nişanından və ya hər hansı başqa məlumatdan yanlış istifadə qadağandır. Visa öz əqli mülkiyyət hüquqlarını inadla, o cümlədən mülki və məhkəmə-istintaq prosesləri də daxil olmaqla, həyata keçirir.

Məxfilik Siyasətindəbaşqa cür bəyan edilmədiyi halda, sizin şəxsi məlumatlarınızdan başqa (Məxfilik Siyasətində göstərilib) Visa Saytına məlumat, sual, şərh, təklif və ya ərizələr daxil olmaqla, lakin bunlarla məhdudlaşdırılmayaraq elektron qaydada və ya başqa üsulla göndərdiyiniz hər hansı yazışma və ya material, məxfi və mülkiyyət xarakterli deyildir və belə hesab edilməyəcəkdir. Lütfən nəzərə alın ki, Visa U.S.A. Vebsaytı məxsusi olaraq ona şamil olunan məxfilik siyasətinə malikdir və bu siyasət fərqli şərtlər ehtiva edə bilər.

Visa Saytına göndərdiyiniz hər hansı material Visa tərəfindən surətin çıxarılması, üçüncü tərəfə ötürülmə, açıqlanma, nəşr, tele-radio yayım və İnternetdə paylaşılma daxil olmaqla, lakin bunlarla məhdudlaşdırılmayaraq istənilən məqsədlə istifadə edilə bilər. Visa.com-a material təqdim etməklə, siz belə material üzərində malik ola biləcəyiniz hər hansı müəllif hüququ, "mənəvi" hüquq və ya başqa hüquqları qeyd-şərtsiz Visa-ya ötürür və ona verirsiniz, onlara heç vaxt iddia etməyəcəyinizə razılıq verir və onlardan imtina edirsiniz. Visa hər hansı öhdəlik götürmədən Visa Saytına göndərdiyiniz hər hansı yazışmaya daxil olan istənilən ideya, anlayış, texnika və ya texniki bilikdən, məhsulların və xidmətlərin layihələndirilməsi, istehsalı və marketinqi daxil olmaqla lakin, bununla məhdudlaşdırılmayaraq, hər hansı məqsədlə istifadə etməkdə sərbəstdir.

Visa Saytından istifadə etməklə, siz özünüz barədə və Visa Saytından necə istifadə etdiyinizlə bağlı müəyyən məhdud məlumat təqdim edə bilərsiniz və ya Visa həmin məlumatı toplaya bilər. Məxfili Siyasətinəriayət etmək şərtilə, Visa belə məlumatlardan uyğun hesab etdiyi istənilən məqsəd üçün istifadə etməkdə sərbəstdir.

Visa Saytında təmin edilmiş və ya istinad olunmuş məlumat və xidmətlər "olduqları kimi" və bütün nöqsanları ilə birlikdə verilirlər və qənaətbəxş keyfiyyət, səmərəlilik, dəqiqlik və işlə bağlı bütün risk istifadəçiyə məxsusdur. Bu o deməkdir ki, Visa Saytına dəqiq və yenilənmiş məlumatlar daxil etmək üçün məntiqi baxımdan məqbul səyləri göstərməsinə baxmayaraq, Visa nə məlumatların dəqiqliyinə zəmanət, nə də belə bir bəyanat verir. Visa birbaşa və ya dolayı olaraq Visa Saytında yer almış və ya istinad olunmuş hər hansı məlumat və ya xidmətin düzgün və ya ticarət üçün yararlı olduğuna, onların sizin hər hansı xüsusi məqsəd və ya ehtiyacınıza cavab verdiyinə, yaxud hər hansı üçüncü tərəfin hüquqlarını pozmadığına zəmanət vermir. Visa xəbərdarlıq etmədən Visa Saytında təsvir olunan məlumatları, məhsulları, proqramları və texnologiyanı vaxtaşırı olaraq dəyişdirə, təkmilləşdirə bilər və ya onlara əlavələr edə bilər. Visa, Visa Saytının məzmununda hər hansı səhvə və ya nəyinsə buraxılmasına görə öhdəlik və ya məsuliyyət daşımır.

Visa Saytından istifadə zamanı riski öz üzərinizə götürürsünüz. Qanunla icazə verilən maksimum səviyyədə nə Visa, nə də Visa Saytının yaradılmasına, işlənməsinə və ya təqdim edilməsinə cəlb edilmiş hər hansı başqa tərəf Visa Saytına daxil olmağınızdan, ondan istifadənizə görə və ya Visa Saytına etimad etməyiniz nəticəsində meydana gələn hər hansı birbaşa, dolayı, təsadüfi və ya cəzanın tətbiqi ilə bağlı zərərə görə (o cümlədən, lakin bununla məhdudlaşdırılmayaraq, itirilmiş gəlir, əvəzedici xidmətlərin sifariş dəyəri və ya əldən buraxılmış imkan), hətta Visa belə zərərin mümkünlüyü barədə xəbərdar etmiş olsa belə, məsuliyyət daşımır. Yuxarıda qeyd edilənlərin ümumi mənasının məhdudlaşdırılmaması şərtilə, Visa Saytına giriş, saytdan istifadə və ya materialların endirilməsi nəticəsində kompüter avadanlığınıza və ya başqa mülkiyyətinizə təsir edə biləcək hər hansı virusun səbəb olduğu və ya onunla əlaqədar hər hansı zərərə görə Visa məsuliyyət daşımır. Visa, Visa saytına daimi, fasiləsiz və ya təhlükəsiz daxilolmaya zəmanət verə bilməz və zəmanət vermir.

Visa saytına keçidi olan bütün saytlar Visa tərəfindən nəzərdən keçirilməyib və belə keçidlərin mövcud olması, keçid olunan saytlarda mövcud olan hər hansı məlumatın təsdiq edildiyini və ya dəstəkləndiyini göstərmir. Visa keçid vasitəsilə Visa saytı ilə əlaqələndirilmiş hər hansı saytın məzmununa görə məsuliyyət daşımır. Keçid verilmiş hər hansı belə sayta daxil olan və ya ondan istifadə edən zaman siz riski öz üzərinizə götürmüş olursunuz.

Visa Saytındakı məlumatların çoxu beynəlxalq istifadə üçündür, lakin yalnız müəyyən ölkə və ya regionlara aid olan əhəmiyyətli həcmdə məlumat da mövcuddur. Məsələn, Visa Saytındakı məlumatla bağlı aşağıdakı işarəni görürsünüzsə.

“Bu səhifədəki məlumat Birləşmiş Ştatlardakı ticarət fəaliyyətlərinə aiddir.”

bu halda həmin səhifədəki məlumat yalnız Birləşmiş Ştatlarda fəaliyyət göstərən bizneslərə şamil edilir. Bu cür bəyanat daxil etməklə Visa hər hansı məlumatın konkret bir ölkə və/və ya regiona xas olduğunu bildirmək üçün məntiqi baxımdan məqbul səylər göstərsə də, belə bəyanatın olmaması məlumatın beynəlxalq səviyyədə tətbiq olunduğuna zəmanət vermir və bunu bəyan etmir. Siz Visa Saytındakı hər hansı məlumatın sizə və ya təşkilatınıza şamil edilib-edilmədiyini yoxlamalısınız. Birləşmiş Ştatlara xas belə informasiyaya çıxışınızın olması faktı bu informasiyanın Birləşmiş Ştatlardan kənar bir region və ya ölkəyə şamil olunduğunu və ya nə vaxtsa şamil olunacağını göstərmir.

Visa Hüquq