Kiçik biznesdən icmanın mərkəzinə

Visa-nın tərəfdaşı Yoco vasitəsilə rəqəmsal ödənişlər etmək Mokqadi Mabelanın biznesində dönüş nöqtəsi oldu. İndi özü kimi başqalarına imkanlar yaradaraq ianə verir.

Heç kim biznesə başlamağın və onu böyütməyin asan olduğunu söyləmir. Xüsusilə, gənc bir təşəbbüskar üçün bu proses daha çətin idi. Cənubi Afrikada bal biznesi olan Native Nosi-nin qurucusu Mokqadi Mabela ilə tanış olun.

"İlk dəfə başlayanda digər bir çox təşəbbüskarın sahib olduğu resurslardan istifadə edə bilmədim", – Mokqadi deyir. "Mən qaradəriliyəm. Mən qadınam. Həm də arıçıyam. Başlamaq üçün üç böyük maneə". Ancaq Mokqadi təslim olmadı.

Yalnız özünün uğurlu biznesini qurmağı deyil, digərlərinin də – digər ağıllı, təşəbbüskar cənubi afrikalı qadınların da sahibkarlıq xəyallarını reallaşdırmasına kömək etməyi öhdəlik kimi üzərinə götürdü.

Mən qaradəriliyəm. Mən qadınam. Həm də arıçıyam.

— Mokqadi Mabela, Native Nosi-nin qurucusu

Səyahəti əvvəlcə yavaş və tədrici idi. Mokqadinin atasının regionun hər yerində olan fermalarda arı pətəkləri var idi və o, kiçik yaşlarından etibarən valideynlərinin mətbəxində hazırladığı və şüşələrə yığdığı balı satırdı. Müştəriləri, əsasən, dostlar və qonşular idi. Tezliklə Mokqadi atasının təmin edə biləcəyindən daha çox bal satmağa başladı və öz arı pətəklərinə pul yatırdı.

İlk günlərdə sifarişləri elektron e-poçtla alır, cədvəldə izləyir və kuryer xidməti ilə çatdırırdı. Ağzından-ağıza marketinq ilə o, tədricən bütün işini böyütdü. Tezliklə bir dostunun köməyi ilə veb-sayt qura bildi və məhsullarını onlayn tanıtdı. Biznes yaxşı olsa da, məhdud idi. Native Nosi üçün yalnız nağd və pul köçürmələri ilə ödəniş etmək olurdu.

"Yalnız nağd ödəniş aldığımıza görə nə qədər sata biləcəyimizi müəyyənləşdirdik. Yalnız nağd ödəniş alan biznesi əsl biznes kimi qəbul etmirlər".

Mokqadi bilirdi ki, Native Nosi-nin böyüməsi və yerli iqtisadiyyatın əhəmiyyətli bir hissəsi kimi tanınması üçün kredit və debet kartları kimi yeni ödəniş həllərini də qəbul etməlidir.

"Ödəniş prosesinə kredit və debet kartı seçimi əlavə etmək olduqca sadə səslənir. Ancaq yerli banklar kiçik biznesə bu xidməti təqdim etməzdən əvvəl yüksək gəlir sübutu tələb edirlər. Kredit kartlarını qəbul edə bilməyincə onların gəlir həddinə çata bilmədim, buna görə də ilişib qaldım".

Buna baxmayaraq, Mokqadi üçün bu, uzun çəkmədi. O, həll yolunu, xüsusilə, kiçik bizneslərə yardım etmək üçün yaradılmış Cənubi Afrika finteks şirkəti olan, Visa-nın tərəfdaşı Yoco-da tapdı. Mokqadi kredit və debet kartları ilə ödəniş aldıqdan sonra yalnız bir neçə gün ərzində Native Nosi çiçəklənməyə başladı.

Gənc cənubi afrikalıların xəyal qurmalarını təmin etməyə borcluyuq.

— Mokqadi Mabela, Native Nosi-nin qurucusu

Artıq tanınan biznesə sahib olan Mokqadi özü kimi başqalarını dəstəkləməyə başladı. Təcrübəsindən digər qadınların karyera ambisiyalarını dəstəkləmək üçün necə istifadə edə bilərdi? O, uzun müddət fiziki bir yerin – müştərilərin onun diqqətlə hazırladığı məhsulu görməsi, dadması və hətta hiss etməsi üçün olan bir yerin xəyalını qurmuşdu. Balın böyük icmanın mərkəzində olduğu bir yer. Həm də afrikalı digər qadın sahibkarları tanıda biləcəyi bir yer.

Mokqadi 2020-ci ilin iyul ayında, qlobal pandemiya ilə qeyri-müəyyən iqtisadiyyatın arasında Pretoriada Native Nosi-nin pərakəndə univermağını açdı. "Arzum başqalarından çox bal satmaq deyil. Arzum – dünyaya borclu olduğumu hiss etdiyim şey – özüm kimi başqalarını müştəri cəlb etmələri üçün platforma ilə təmin etməkdir. Qarşıma çıxan bəzi maneələri aradan qaldırmaqdır".

Odur ki, Native Nosi bal cərgəsinin yanındakı şkaflarda tamamilə təbii dəriyə qulluq məhsulları, saf, dadlı marula fındığı yağı, çaylar, dadlandırıcı tozlar, şokoladlar – hamısı yeni fəaliyyətə başlayan, onun özü kimi cənubi afrikalı qadın sahibkarlar tərəfindən hazırlanmış məhsullar tapacaqsınız. "Yalnız işim olmağını istəmirəm. İş yerləri yaratmaq istəyirəm. Həm də Cənubi Afrikada gənc, qaradərili mükəmməlliyi təbliğ etmək istəyirəm. Gənc cənubi afrikalıların xəyal qurmalarını təmin etməyə borcluyuq", – o deyir. "Bəli, məhsulum baldır. Ancaq məqsədim daha böyük bir şeydir".