She's Next, Empowered by Visa

Azərbaycanda qadın sahibkarlar üçün onlayn təhsil proqramı

Rəqəmsal ödənişlərdə dünya lideri olan Visa şirkəti She's Next qlobal təşəbbüsü çərçivəsində Azәrbaycanda qadın sahibkarlar üçün ödәnişsiz onlayn tәhsil proqramına start verir. Proqram WoWoman və Nargis jurnalı ilə tərəfdaşlıqda həyata keçirilir.

Proqram çərçivəsində təşkil olunacaq 8 vebinarda tanınmış sahibkarlar və biznes təlimçiləri nəzəri və praktiki biliklәrini paylaşacaq. Bundan başqa, hər bir vebinara qadın sahibkarlar da dəvət olunacaq: onlar öz təcrübələri ilə bölüşəcək, çətinliklər və onların öhdəsindən gəlmək yolları haqda danışacaqlar, bu da sizə oxşar səhvləri etməməyə kömək edəcək, eləcə də sizi biznes layihələrinizdə ən cəsarətli addımlar atmağa ruhlandıracaq.

Proqramda iştirak kim üçün faydalı olar?

Proqram kiçik biznes sahibələri və öz işini açmağa planlaşdıran xanımlar üçün nəzərdə tutulur. Bu proqram, biznesin planlaşdırılması və hüquqi aspektlərindən tutmuş marketinq və işçi heyətinin idarə edilməsinədək müxtəlif sahələrdə qadın sahibkarların bilik və bacarıqlarını artırmağa yönəlir.

Eyni zamanda, proqramda iştirak etməyi arzulayan hər kəsi dəvət edirik.

Vebinarın cədvəli və mövzuları:

Vebinar mövzuları	Tarix
İşin başlanğıcında qorxu hissinə necə güc gələk	24 aprel 2021-ci il
Fandreyzinq: biznesi açmaq üçün vəsaiti haradan cəlb edək	1 may 2021-ci il
Danışıqların aparılması qaydaları və özünə güvənin açarı	8 may 2021-ci il
Onlayn məkanda biznesi necə inkişaf edək	15 may 2021-ci il
Rəqəmsal marketinq və sosial şəbəkələr	22 may 2021-ci il
İşgüzar fəaliyyətin hüquqi aspektləri	29 may 2021-ci il
Böhran zamanı necə hərəkət edək	5 iyun 2021-ci il
Duyğusal (emosional) zəka – komandanın idarə edilməsində uğur amili	12 iyun 2021-ci il

Proqramın şərtləri və formatı

Proqramda iştirak etmək üçün öncədən qeydiyyatdan keçmək və qapalı Facebook qrupuna daxil olmaq lazımdır.

Qeydiyyat üçün keçid: https://bit.ly/shesnextregister

Facebook qrupuna keçid: http://bit.ly/shesnextazgroup

Keçirilmә formatı:

24 aprel – 12 iyun tarixləri arasında 8 vebinar;
hər bir vebinarın müddəti: 2 saatadək;
vebinarlar ZOOM platforması vasitəsilə keçirilir;
vebinarlara qoşulmaq üçün keçidlər sizin qeydiyyat zamanı göstərilmiş elektron poçt ünvanına göndəriləcək.

Proqram sayәsindә nәlәri әldә edәcәksiniz:

nəzəri biliklər və ekspertlərin real təcrübəsini əks etdirən praktiki misallar ilə dolğun 8 pulsuz təlim vebinarı;
hər bir vebinar daxilində “sual-cavab” sessiyası zamanı ekspertlərə öz biznes ideyanız haqqında suallar verə bilərsiniz;
baş tutmuş vebinarların video-yazılarına istənilən vaxt qayıda bilərsiniz;
təşəbbüskar sahibkar xanımlarla yeni tanışlıqlar sizin üçün ilham, motivasiya və gələcək üçün faydalı əlaqələr mənbəyi olacaq;
proqramın uğurla başa vurması barədə sertifikat.

Proqramın #ShesNextbyVisa rəsmi həştəqi ilə sosial şəbəkələrdə son xəbərləri izləyin.