Biznesinizin maliyyəşdirilməsi

Variant 1: Borc almaq

Bir çox maliyyə təşkilatları kiçik biznesin açılması və ya davam etdirilməsi üçün borc təklif edir. Bazarda monitorinq aparın və faizləri, ödəmə şərtlərini və borc məbləğini müqayisə edin.

Borc üçün müraciət etdikdə kreditorlar sizdən biznes-planınızı və bir sıra maliyyə sənədlərini (bank çıxarışları, öncəki bir neçə il üçün vergi deklarasiyalarını və s.) göstərməyi tələb edə bilər. Əgər yeni biznesə başlayırsınızsa, şəxsi maliyyəniz və fiziki şəxs kimi kreditiniz kreditorun qərarına təsir edəcək amil ola bilər. 

Maliyyə təşkilatları: Böyük ehtimalla müraciət etdiyiniz maliyyə təşkilatı sizə öz biznesinizi maliyyələşdirmək üçün müxtəlif variantlar təklif edəcək. Bura borc və ya biznesin kreditləşməsi üçün məhsullar daxil ola bilər. Siz mütləq biznes-plan, açılış xərcləri smetası və biznes-proqnoz tərtib etməlisiniz ki, bank sizə niyə borc verməli olduğunu anlamağa kömək edəsiniz. 

Alternativ kreditorlar: Əgər bank vasitəsilə maliyyələşmə mümkün deyilsə, sizin hələ də başqa variantlarınız var. Kraudfandinq və təkranqlı kreditlərə və yaxud beynəlxalq qeyri-kommersiya təşkilatları tərəfindən kreditlənməyə diqqət yetirin. Həmçinin, alternativ kreditorlar olaraq sizin biznesə sərmayə qoymaqda maraqlı olan qohumlar və ya dostlar çıxış edə bilərlər. 

Variant 2: İnvestor axtarmaq

İnvestorlar biznesinizi başlamaq, yaxud növbəti mərhələyə keçirmək üçün sizə maliyyə təqdim edə bilərlər. Bu növ müəssisə kapitalı və ya mələk sərmayəsi formasında ola bilər.

Müəssisə kapitalistləri pay və/və ya kampaniyada aktiv iştirak qarşılığında biznes üçün kredit təklif edə bilərlər. Hər müəssisə kapitalistinin  və biznes-mələyin sərmayə qoymaq üçün öz göstəriciləri və tələbləri var. Lakin kimə müraciət etməyinizdən asılı olmayaraq, investorun biznes-planınızı, maliyyənizi və təcrübənizi ətraflı təhlil edəcəyinə hazır olun. 

Variant 3: Öz yığımlarından istifadə etmək

Variantlardan biri də öz pulundan istifadə etməkdir. Bəlkə də siz öz yığımlarınızdan və ya cari işinizdən gələn pullardan istifadə edəcəksiniz. Əgər eviniz varsa, yeni kredit üçün onu girov qoya bilərsiniz. Biznesin şəxsi pullarla maliyyələşməsi sizə öz biznesinizə daha çox nəzarət etmək imkanı verir, lakin bu, daha riskli ola bilər.