Visa San-Fransiskoda Visa-nın flaqman innovasiya mərkəzinin uğurundan və Sinqapurda Asiya-Sakit okean hövzəsi innovasiya mərkəzinin bu yaxınlarda açılışından sonra Dubayda yeni 4.000 kvadrat futluq innovasiya mərkəzinin açılışını etmişdir. Dubay Media şəhərinin mərkəzində yerləşən yeni innovasiya mərkəzi ödəniş texnologiyasının gələcəyi üzərində əməkdaşlıq etmək üçün Visa texnoloqları, müştəriləri və partnyorları üçün mərkəz kimi xidmət göstərəcəkdir. Həmin mərkəz Mərkəzi və Şərqi Avropa, Yaxın Şərq və Afrika (CEMEA) regionundan aparıcı novatorları yaradıcılığa imkan yaradan müasir və çoxşaxəli məkanda bir araya gətirəcəkdir—bina açıq plana malik qeyri-rəsmi görüş yerləri olan mərtəbədən, şəbəkəyə qoşulmuş maşın kimi rəqəmsal ticarət və ödəniş prototiplərini əks etdirən nümayiş sahələrindən və lazımı məhsullarla təchiz olunmuş kofe bardan ibarətdir.
Visa-nın innovasiya mərkəzlərinin qlobal şəbəkəsi açıq ticarətin gələciyini "təşviq etmək" və novatorlara yeni ödəniş həllərini yaratmaq məqsədilə prosesdə iştirak etmək, təcrübə əldə etmək və əməkdaşlıq etmək imkanını vermək məqsədini daşıyır. Şəbəkə ödəniş texnologiyalarında prototipləşdirmə və sınaqları sürətləndirmə üzərində çalışacaq və eyni zamada əsas diqqəti insan elementi üzərinə - gündəlik həyatlarında insanlar üçün olan real faydalara yönəldəcəkdir. Rəqəmsal texnologiyalar inkişaf etdikcə Visa təhlükəsizliyə sadiq olaraq qalır və onun əsas missiyası internetə qoşulmuş hər bir cihazın ticarət aparmaq üçün təhlükəsiz cihaz ola biləcəyini təmin etməkdir. Şirkətin maliyyə texnologiyaları üzrə mütəxəssisləri Visa Tədqiqatçı Platforması vasitəsilə mövcud olan APİ-lar və SDK-lardan istifadə etməklə yeni rəqəmsal ödəniş həllərini yaratmaq üçün müştəri və partnyorlarla işləyəcəklər.
Visa-nı Dubaya nə gətirib? Visa ilk dəfə ofisini Dubayda 1995-ci ildə açmışdır. “Texnologiya və maliyyənin virtual kəsişməsində yerləşən Dubay bu regionun müxtəlif ehtiyacları üçün bu əməkdaşlıq yanaşmasını həyata keçirilməsinə xidmət edən ideal bir məkandır," Con Makqvaya, Visa şirkətinin innovasiya və strateji tərəfdaşlıqlar üzrə vitse prezidenti və Dubay innovasiya mərkəzinin rəhbəri belə deyir. “Mahiyyət etibarilə Visa texnologiya şirkətidir və biz CEMEA regionundakı müştərilərimiz və partnyorlarımız üçün dərin, birgə işlənilmiş və lokallaşdırılmış təcrübəni təmin etmək üçün daima inkişaf edirik.”