Ehtiyatlı müştərilər internetdə şərh və tövsiyələr tapmağı sevirlər.

Onlar mümkün olduqca çox məlumat toplamağa çalışırlar. Bu, onlara məhsula və ya xidmətə etibar etmək üçün əminlik verir və brendin vədlərini yerinə yetirəcəyinə inandırır.

Onları qorxutmaq asandır. Onlar anlaşılmaz vəziyyətdə aldıqları şeydən tez imtina edirlər, xüsusilə ödəniş informasiyasının daxil edilməsi kimi konfidensial məlumatların daxil edilməsi məsələsində. 

Ehtiyatlı müştərilərin xüsusiyyətləri

• Ölçülü
  
• Səbirli
  
• Faktara əsaslanan
  
• Detallara qarşı diqqətli
  
• Şəffaflıq ehtiyacı duyan
  

Onların diqqətini necə cəlb etməli

• Onlar detallara diqqət yetirirlər. Ona görə sübutlarla və ya məlum faktlarla isbat edə bilməyəcəyiniz bəyanatlar verməyin.
  
• Onların bilik və anlayışlarının yaxşılaşdırılması ehtiyatlı müştərini cəlb etməyin əla üsuludur. Lazımlı anda lazımlı yerlərdə olmaq vacibdir. Həmçinin, onların dəyər verdiyi digər etibarlı müəssisələr və ya mənbələrlə əlaqəli olmaq lazımdır.
  
• Məhsul və ya xidmət barədə faydalı məlumat əsasdır. Özünü könüllü şəkildə müqayisə etmək xeyirli ola bilər.
  

“Mən mətləbə keçirəm – sən də eynisini et” – Culi, ehtiyatlı alıcı.

Onlara alış-verişdə kömək olun

• Onlara fakt və məlumat verin. Suallara açıq olun, dəqiq və məntiqli cavablar verin.
  
• Elektron poçt və ya saytda sual xanası kimi sadə əlaqə üsulları onlarda düzgün məhsulu aldıqları hissini yaradacaq.
  
• Əmin olun ki, ödəniş sisteminiz tanış və anlaşılandır. Onlar şəxsi ödəniş məlumatlarını hansı sistemlərə və ya brendlərə etibar edəcəklər?
  
• Müsbət rəyləri və təcrübələri saytınızda görünən yerdə yerləşdirin. Ancaq unutmayın: naviqasiya sadə olmalıdır və istehlakçını çoxsaylı reklam mesajlarına boğmağa dəyməz.
  

Onları necə itirə bilərsiniz

• Saytınızda həddindən çox pəncərə, reklam və ya sorğu açılır
• Siz çox qeyri-müəyyən və dolaylı danışırsınız
• Onlar özlərinə lazım olan cavabları almırlar
• Siz çox bezdiricisiniz
• Onlar etibara layiq olmadığınızı düşünürlər