Visa Solution-un Xidmət Şərtləri

VACİB MƏLUMAT: VISA SOLUTION-UN AŞAĞIDAKI XİDMƏT ŞƏRTLƏRİNİ (“ŞƏRTLƏR”) DİQQƏTLƏ OXUYUN. VISA SOLUTION-DA QEYDİYYATDAN KEÇMİSİNİZ VƏ YA KARTINI AKTİV ETMİSİNİZSƏ, ŞƏRTLƏRİ ANLADIĞINIZI VƏ ONLARLA RAZILAŞDIĞINIZI QƏBUL ETMİSİNİZ. BU ŞƏRTLƏR VISA SOLUTION-LA ƏLAQƏLİ BÜTÜN ƏVVƏLKİ ŞƏRTLƏRİ ƏVƏZLƏYİR. 

Visa Solution-un 1 iyul 2024-cü ildən sonra qeydiyyatdan keçirilməsi üçün aşağıdakı bölməyə müraciət edilir.

Visa Solution kart sahibinin meyarlara uyğunluğundan asılıdır. Kart emitentininz Click to Pay-i təmin etdiyi halda, Visa Solution üçün uyğun ola bilməyəcəyinizi anlayırsınız. Bununla belə, müvafiq və yaxşı təşkil olunmuş xidmətlərlə təmin olunduğunuzdan əmin olmaq üçün Visa Kart emitentinizlə uzlaşa bilər (Visa Solution üçün qeydiyyatdan keçmək məqsədilə verdiyiniz məlumatların paylaşılması daxil olmaqla). Siz Visa Solution üçün uyğun deyilsinizsə, bu Şərtlərin qəbul edilməsi və təsdiqlənməsi ilə Visa ilə müqavilə bağlanmadığını, eləcə də qalan Şərtlərin tətbiq olunmadığını başa düşürsünüz. Böyük hərflərlə yazılmış şərtlərin tərifi bu Şərtlərdə verilib.

    1. Visa Solution

    Visa Solution Visa U.S.A. Inc. (“Visa”) tərəfindən idarə edilir. Visa-nın əlaqə məlumatları aşağıda Bizimlə Əlaqənin altındakı L bölməsində verilir.

    Bu Şərtlərdə istifadə edildiyi kimi «Visa Solution» özündə aşağıdakı mənaların hamısını ehtiva edir: Visa Click to Pay, Visa Checkout yaxud digər ad altında olub-olmamasından və Visa Solution vebsaytında və ya domen və ya altdomen olaraq idarə edilən mobil saytda («(Vebsayt»), yaxud emitent bank və ya ödəmə təşkilatı, ticarətçi və ya digər üçüncü tərəfin təklif etdiyi proqram və ya texniki imkanlar vasitəsilə mövcud olub-olmamasından asılı olmayaraq, Visa Click to Pay və/və ya Visa Checkout-un hazırda mövcud olan və ya gələcəkdə əlavə ediləcək bütün xüsusiyyətləri, texniki imkanları və xidmətləri (ümumilikdə, Xidmətlər); Visa-nın və ya onun lisenziyarlarının əlçatanlığı Visa Solution vasitəsilə təmin edilən loqo, dizayn, mətn, şəkil, video, qrafik təsvir, proqram təminatı və digər məzmun və materialları, eləcə də onların seçimi və yerləşdirilməsi (ümumilikdə, «Məzmun»); və Visa-nın Visa Solution-u sizin üçün əlçatan edən avadanlığı, proqram təminatı və şəbəkələri (ümumilikdə, «Visa Solution Sistemi»).

    Visa Solution sizə (i) Visa-nın Visa Solution-la istifadəsinin meyarlara uyğun olaraq müəyyən etdiyi Visa kredit, debit və yenidən yüklənmə qabiliyyəti olan ödəniş kartlarınız və digər kartlar və ödəmə üsullarınız («Meyarlara uyğun Kartlar») üçün ödəniş hesabını və e-poçt ünvanı, mobil telefon nömrəsi, hesablaşma və çatdırılma ünvanları («Kart Məlumatları») kimi bununla əlaqəli məlumatları saxlamaq imkanı; və (ii) Visa qəbul edilən yerdə Click to Pay ikonunu ‍‍ və ya tranzaksiyanı emal etmək üçün Visa Checkout nişanını nümayiş etdirən ticarətçilər və ya digər üçüncü tərəflərlə Kart məlumatlarınızı paylaşmaq üçün Visa Solution-dan istifadə etmək imkanı təklif edir. Visa Meyarlara uyğun kart(lar)ınızı verən maliyyə qurumu və ya digər müəssisə («Kart emitenti») tərəfindən müəyyən edilən kart nömrəsi və bitmə tarixi kimi bəzi Kart məlumatlarını avtomatik olaraq yeniləyə bilər.

    Kart emitentiniz Meyarlara uyğun kart(lar) üçün mükafat xalları, hissəvi ödəniş variantları və digər güzəştlər kimi Meyarlara uyğun kart(lar)ınız barədə əlavə məlumatlar təmin edə bilər. Belə olarsa, biz bu məlumatı sizə Visa Solution-da Meyarlara uyğun kartınızın Emitentindən alındığı şəkildə, olduğu kimi təqdim edirilk. Bu məlumat barədə sualınız varsa, Kart emitentinizlə əlaqə saxlayın.  Müvafiq hallarda Visa bu variantlar və ya güzəştlər üçün uyğun olub-olmadığınızı müəyyən etmək məqsədilə məlumatlarınızı emal edəcək və bunları sizə göstərəcək.

    Visa Solution-dan istifadə etdiyinizdə, biz tranzaksiyanı emal etmələrinə imkan vermək üçün Kart məlumatlarınızı ticarətçi, yaxud digər müvafiq üçüncü tərəfə ötürəcəyik. Visa Meyarlara uyğun Kartlarınızı qorumağa kömək etmək üçün istifadə ediləcək olan, Visa Meyarlara uyğun Kartınızın ödəniş hesabı nömrəsinin rəqəmsal əvəzedicisini (token) yarada bilər. Siz ticarətçi yaxud digər müvafiq üçüncü tərəfin tranzaksiya barədə məlumatı Meyarlara Uyğun Kartınız üçün müvafiq şəbəkəyə ötürməsi və tranzaksiyanızın seçdiyiniz Meyarlara Uyğun Kartdan istifadə edilməklə ödənilməsi ilə razılaşırsınız.

    Visa Solution-da saxlanılan yaxud onun istifadəsilə bağlı ortaya çıxan Kart Məlumatlarının tərəfinizdən yaxud bəzi bölgələrdə sizin adınızdan kart verən qurumunuz yaxud ticarətçi və ya üçüncü tərəf tərəfindən təqdim edildiyini və onların şəxsi maliyyə məlumatı ehtiva etdiyini qəbul edirsiniz. Visa Solution-la əlaqəli olaraq Meyarlara uyğun Kartlardan yalnız Kart verən qurum sizi kart sahibi yaxud səlahiyyətli istifadəçi hesab etdiyi və adınız Meyarlara uyğun Kart üzərində göstərildiyi halda istifadə edə bilərsiniz. Visa Solution-da saxladığınız və ya onun istifadəsilə bağlı təqdim etdiyiniz Kart Məlumatları və digər məlumatın tamlığı və dəqiqliyi üçün özünüzün məsuliyyət daşıdığınızı qəbul və təsdiq edirsiniz. Yalnız sahibi olduğunuz və ya idarə etdiyiniz düzgün e-poçt ünvanları və telefon nömrələrindən istifadə etməlisiniz. Visa-nın Visa kartlarının Kart Məlumatları üçün müəyyən düzgünlük yoxlamaları həyata keçirə bilməsinə baxmayaraq, Visa Kart Məlumatlarının cari və ya yenilənmiş olub-olmaması daxil olmaqla, təqdim etdiyiniz Kart Məlumatları və ya digər məlumatın dəqiqliyi üçün məsuliyyət daşımır.

    Visa Solution bank və ya ödəniş hesabı deyil və sizə və ya ticarətçiyə hər hansı kredit təklif etmir. Visa Solution-dan istifadə etməklə həyata keçirdiyiniz istənilən tranzaksiya bu tranzaksiya üçün istifadə etdiyiniz Meyarlara uyğun Kartla bağlı hesabınızda əks olunacaqdır. Həmin hesabın ödənişi yalnız sizinlə Meyarlara uyğun Kartı verən qurum arasında həyata keçirilir.

    2. Tranzaksiyalarınız barədə vacib məlumat

    VISA SOLUTION-UN TRANZAKSIYANI ASANLAŞDIRMASINA BAXMAYARAQ, VISA, VISA SOLUTION-DAN İSTİFADƏNİZLƏ ƏLAQƏLİ TRANZAKSİYADA VƏ TİCARƏTÇİYƏ EDİLƏN VƏ YA ONUN ETDİYİ ÖDƏNİŞDƏ İŞTİRAK ETMİR VƏ BUNLAR (MALLARIN VƏ YA XİDMƏTLƏRİN SATIN ALINMASI VƏ YA QAYTARILMASI DAXİL OLMAQLA) YALNIZ SİZLƏ TİCARƏTÇİ ARASINDADIR.

    VISA SOLUTION-DAN İSTİFADƏ EDİLMƏSİLƏ HƏYATA KEÇİRİLMİŞ HƏR HANSI TRANZAKSİYA ÜÇÜN GERİ ÖDƏNİŞ VƏ YA ONUN LƏĞV EDİLMƏSİNİ TƏLƏB ETDİYİNİZ HALDA, MÜVAFİQ TİCARƏTÇİ VƏ/VƏ YA TRANZAKSİYA ÜÇÜN İSTİFADƏ ETDİYİNİZ MEYARLARA UYĞUN KARTIN EMİTENTİ İLƏ ƏLAQƏ SAXLAMALISINIZ. VISA-NIN TRANZAKSİYANIN İŞTİRAKÇISI OLMADIĞINI VƏ BELƏLİKLƏ VISA-NIN TRANZAKSİYA İLƏ BAĞLI QARŞILAŞA BİLƏCƏYİNİZ HƏR HANSI BU CÜR PROBLEMİ HƏLL ETMƏK İQTİDARINDA OLMADIĞINI UNUTMAYIN.

    ƏGƏR TİCARƏTÇİ İLƏ ARANIZDA VISA SOLUTION-LA HƏYATA KEÇİRİLMİŞ TRANZAKSİYA İLƏ BAĞLI MÜBAHİSƏLİ İŞ YARANMIŞSA, MÜBAHİSƏLİ İŞİN BİRBAŞA TİCARƏTÇİ İLƏ, YAXUD KARTI VERƏN QURUMUNUZ VASİTƏSİLƏ HƏLL EDİLMƏSİ ÜÇÜN YALNIZ ÖZÜNÜZ MƏSULİYYƏT DAŞIYIRSINIZ. VISA SOLUTION-UN FƏALİYYƏT XÜSUSİYYƏTLƏRİNƏ GÖRƏ O, TRANZAKSİYADA İŞTİRAK ETMİR.

    3. Xidmət Şərtləri

    Visa Solution Meyarlara uyğun bütün Kartlar üçün mövcud olmaya bilər. Bundan əlavə, Visa öz qərarına uyğun olaraq, Meyarlara uyğun Kartları Visa Solution-dan silə və ya Meyarlara uyğun Kartların Visa Solution üçün aktivləşdirilməsinin qarşısının ala bilər, həmçinin Visa istənilən vaxt Meyarlara uyğun Kartları təşkil edən xüsusi və ya ümumi kredit, debit və yenidən yüklənmə qabiliyyəti olan ödəniş kartlarının və digər kart yaxud ödəmə üsullarının meyarlara uyğunluğunu təftiş edə bilər.

    4. Meyarlara uyğunluq

    Visa Solution yalnız aşağıdakı şəxslər üçün mövcuddur:

    1. aşağıdakı yurisdiksiyalardan birinin sakinləri: Andorra, Argentina, Avstraliya, Avstriya, Belçika, Bolqarıstan, Braziliya, Kanada, Normand Adaları, Çili, Çin (əsas ərazi və Honkonq), Kolumbiya, Xorvatiya, Kipr, Çex Respublikası, Danimarka, Dominikan Respublilkası, Farer Adaları, Finlandiya, Fransa, Almaniya, Gibraltar, Yunanıstan, Qrenlandiya, Macarıstan, Hindistan, İrlandiya, Man Adası, İtaliya, Küveyt, Lixtenşteyn, Malayziya, Malta, Meksika, Monako, Hollandiya, Yeni Zelandiya, Norveç, Peru, Polşa, Qətər, Rumıniya, San Marino, Səudiyyə Ərəbistanı, Sinqapur, Slovakiya, Sloveniya, Cənubi Afrika, İspaniya, İsveç, İsveçrə, Ukrayna, Birləşmiş Ərəb Əmirlikləri, Birləşmiş Krallıq, Birləşmiş Ştatlar (əraziləri daxil olmaqla) və ya Vatikan Şəhəri, hər bir yurisdiksiya əlçatan olduqda («Meyarlara uyğun Yurisdiksiyalar»);
    2. öz yurisdiksiyaları, əyalət və ya yaşayış yerlərində əhalinin çoxu üçün yetkinlik yaşı;
    3. kompüterdə, yaxud başqa cihazda internetdən istifadə etmək imkanı olanlar; və
    4. bir və ya daha çox Meyarlara uyğun Kartın sahibi və ya səlahiyyətli istifadəçisi olmaqla bərabər, öz Meyarlara uyğun Kart hesabları ilə bağlı problemi olmayanlar.

    Visa Solution-un qanunla icazə verilmədiyi yaxud başqa şəkildə məhdudiyyətlər qoyulduğu yerlərdə istifadə edilməsi qadağandır. Yaşayış yeriniz dəyişərsə, Visa Solution-un qeydiyyatından dərhal çıxmalı və yeni yaşayış yerinizlə yenidən qeydiyyatdan keçməlisiniz (o, Meyarlara uyğun Yurisdiksiya olduğu halda). Yeni yeriniz Meyarlara uyğun Yurisdiksiya deyilsə, Visa Solution yeni yerinizdə əlçatan olduqda yenidən qeydiyyatdan keçə bilərsiniz.

    5. Qeydiyyat və Təhlükəsizlik

    Visa Solution-da qeydiyyatdan keçməyi yaxud onun üçün Meyarlara uyğun Kart aktivləşdirməyi seçdiyiniz halda, bizə özünüz haqqında düzgün, dəqiq, cari və tam məlumat təqdim edəcəyinizlə və bu məlumatlarda dəyişiklik olarsa, onları yeniləcəyinizlə razılaşmış olursunuz. Müvafiq qanunla müəyyən edilmiş bütün hallarda, Visa Solution barədə vacib məlumat və yenilikləri əldə etməklə bağlı uğursuzluğunuz daxil olmaqla Visa-nın, onunla dəqiq məlumat saxlaya bilməməyinizlə bağlı olaraq hər hansı öhdəlik daşımayacağını qəbul edir və təsdiqləyirsiniz. Visa-nın, bizə təqdim etdiyiniz hər hansı məlumatın yanlış, qeyri-dəqiq və ya natamam olmasından şübhə etmək üçün əsaslı səbəbləri olarsa, Visa, Visa Solution-a qeydiyyatınızı yaxud ondan istifadənizi müvəqqəti olaraq və ya tamamilə dayandıra bilər və Visa Solution-dan (və ya onun hər hansı hissəsindən) hal-hazırda və ya gələcəkdə istifadənizə icazə verməyə bilər.

    Qeydiyyat prosesinin bir hissəsi olaraq sizdən istifadəçi adı tətbiq etmək tələb olunur (bəzi bazarlarda isə şifrə tətbiq etməyiniz tələb oluna bilər). Bu məlumatlar Visa Solution-dan istifadə etdiyiniz zaman əslliyin təsdiqlənməsi üçün istifadə edilir. Mühafizəniz üçün şifrə tətbiq etməyiniz tələb olunarsa, Visa Solution üçün təkrarolunmaz olan şifrə seçməli, həmçinin istifadəçi adı və şifrənizi yadda saxlamalısınız və şifrənizi Visa Solution-a daxil olmaq üçün istifadə etdiyiniz şəxsi kompüter, tablet, mobil cihaz yaxud digər cihazınızda saxlamamalısınız. İstifadəçi adı və şifrə(ləri)niz olduğu halda, onların məxfiliyinin qorunması üçün siz məsuliyyət daşıyırsınız. Bundan əlavə, Visa Solution-u rəqəmsal pulqabı ilə istifadə etməyiniz üçün cihazınız, brauzeriniz yaxud linkinizdə (bir yaxud bir çox cihazda) yadda saxlanmasını seçdiyiniz halda, həmin cihaz(lar)ın yaxud ona daxilolmanın təhlükəsizliyi üçün siz məsuliyyət daşıyırsınız. Bunları etməyiniz vacibdir, çünki, Meyarlara uyğun Kartınızdan icazəsiz istifadə nəticəsində sizə dəyən hər hansı itki üçün biz məsuliyyət daşımırıq və şəraitdən asılı olaraq, Kartı verən qurumunuz Meyarlara uyğun Kart hesabınızdan icazəsiz istifadə üçün sizi məsuliyyətə cəlb edə bilər. Siz Visa Solution-da olan istifadəçi adı, şifrə yaxud Meyarlara uyğun Kartınızdan (əgər varsa) icazəsiz istifadə barədə yaxud Visa Solution-un rəqəmsal pulqabı ilə istifadəsinin yadda saxlanmasını seçdiyiniz halda və ya onların istifadəsi üçün linki olan cihaz(lar)ınız itirilmiş, oğurlanmış yaxud icazəsiz daxilolmaya məruz qalması və ya Visa Solution-dan istifadənizlə bağlı hər hansı digər mövcud yaxud potensial təhlükəsizlik pozulması barədə Visa-nı dərhal məlumatlandıracağınızla razılaşırsınız. Visa, Visa Solution-dakı Meyarlara uyğun Kartlarınızın ləğv edilməsi yaxud onlardan istifadənizin müvəqqəti və ya tamamilə dayandırılması və/yaxud şifrəniz olduğu halda, Visa şifrənizin artıq etibarlı olmadığını hesab edərsə, sizdən onu dəyişdirməyi tələb edilməsi haqqını özündə saxlayır.

    Siz Visa Solution-da Meyarlara uyğun Kartlarınızdan istifadə edilməsi və Visa Solution-dan istifadənin yaxud ona daxil olmağın bu Şərtlərə tamamilə uyğun olmasının təmin edilməsi üçün məsuliyyət daşıyırsınız.

    Visa Solution-dan istifadə etdiyinizdə Visa-nın, kimliyinizi yoxlamaq üçün e-poçtunuza və/və ya mobil telefonunuza birdəfəlik giriş kodu göndərə biləcəyini qəbul edirsiniz.

    Biz Visa Solution üçün təhlükəsizlik tədbirlərini müntəzəm olaraq nəzərdən keçiririk. Lakin, biz İnternet vasitəsilə ötürdüyünüz məlumatların tamamilə təhlükəsiz olduğuna zəmanət verə bilmərik.

    Şəxsi cihazınızda Visa tərəfindən əlçatan edildiyi halda, Visa Solution ilə əlaqəli olaraq barmaq izləri, üz tanıma və/və ya cihazın giriş kodu («Giriş açarları») kimi imkanlardan istifadə etməyi seçə bilərsiniz. Giriş açarlarından istifadəniz sizlə cihazın istehsalçısı arasında olan müqavilə ilə tənzimlənir. Barmaq izləri, üz tanıma ilə bağlı məlumatlarınız və/və ya cihazın giriş kodu cihazınızı tərk etmirlər. Hər hansı ödəniş tranzaksiyası ilə əlaqədar Giriş açarlarından istifadə edib-etməməyi seçə bilməklə yanaşı, burada kartınızın əlaqəsini kəsməklə və ya cihazınızı silməklə Visa Solution-la əlaqəli olaraq Giriş açarlarınızdan istifadənizi qeyri-aktiv də edə bilərsiniz.

    6. Kart sahibi ilə Müqavilə

    Bu Şərtlər Meyarlara uyğun Kartla bağlı Kart verən qurumunuzla hər hansı müqaviləyə (Kart sahibi ilə Müqavilə) düzəliş etmir və ya onu digər şəkildə dəyişdirmir. Bu Şərtlər və Kart sahibi ilə Müqavilə arasında hər hansı uyğunsuzluq halında bu Şərtlər yalnız siz və Visa arasındakı Visa Solution-la bağlı münasibətləri tənzimləyir, Kart verən qurumunuzla olan Kart sahibi ilə Müqaviləniz isə sizinlə Kart verən qurumunuz arasındakı münasibətləri tənzimləyir. Siz Visa Solution-dan istifadənizin istənilən Kart sahibi ilə Müqaviləyə uyğun olduğunu təmin etmək üçün məsuliyyət daşıyırsınız.

    7. Xərclər, Haqlar və Vergilər

    Visa Solution-dan istifadə etmək və ya ona giriş üçün tələb olunan istənilən avadanlıq, cihaz, proqram təminatı, modem və İnternet çıxışı və ya digər malların əldə edilməsi, eləcə də müvafiq haqlar, xərclər və digər məsrəflər üçün müstəsna olaraq siz məsuliyyət daşıyırsınız. Mesaj və məlumat haqqı tutula bilər. Siz həmçinin Visa Solution-la bağlı istifadə etdiyiniz hər hansı Meyarlara uyğun Kartla əlaqəli Kart verən qurumun tətbiq etdiyi istənilən faiz, haqq, xərc və ya məsrəflər və Visa Solution-dan istifadənizlə bağlı istənilən vergi yaxud vergi hesabatı öhdəliliyi üçün müstəsna olaraq məsuliyyət daşıyırsınız.

    8. Məxfilik

    Visa sizi Visa Solution-la təmin etmək (bu xidmət şərtlərində qəbul edildiyi kimi) və Visa-nın Qlobal Məxfilik Bildirişində ("Məxfilik Bildirişi") təsvir edilən müvafiq məqsədlər üçün lazım olduğu halda şəxsi məlumatlarınızı emal edir.  Visa Solution-dan istifadə etdiyiniz halda Visa və onun tərəfdaşlarının şəxsi məlumatlarınızı toplaması, qoruması və paylaşması və məlumatların məxfiliyi ilə bağlı seçimləriniz barədə ətraflı öyrənmək üçün Visa Solution-un Məxfilik Bildirişini oxuyun.

    Kart emitentiniz, ticarətçi və ya hər hansı üçüncü tərəfin idarə etdiyi digər xidmətlərdən (bu xidmətlərin Visa Solution vasitəsilə əlçatan olması daxil olmaqla) istifadə edirsinizsə, ayrıca məxfilik bildirişləri tətbiq edilə bilər.

    Visa Solution, Visa Solution təcrübəsini nizamlamaq məqsədilə Google-un avtomatik doldurma funksionallığından istifadə edir.  Google şəxsi məlumatlarınızı emal etdikdə, o bunu özünün xidmət şərtləri və məxfilik siyasətinə uyğun olaraq edir.

    Hesabınızla əlaqəli olan şəxsi məlumatlarınızın adekvat və yenilənmiş olmasının təmin edilməsi üçün siz cavabdehsiniz. 

    9. Mülkiyyət Hüquqları

    Visa Solution-da bütün mülkiyyət hüquqlarını, o cümlədən Məzmun üçün, Visa, onun Tərəfdaşları, eləcə də lisenziyarları özündə saxlayır və müvafiq müəlliflik, əmtəə nişanları və digər mülkiyyət (o cümlədən, əqli mülkiyyət) hüquqları ilə və beynəlxalq sazişlərlə qorunur. Bu Şərtlər vasitəsilə birmənalı şəkildə sizə verilməmiş bütün hüquqları Visa, onun Tərəfdaşları, eləcə də lisenziyarları özündə saxlayır. Bu Şərtlərdə heç bir şey sizə Visa-nın, onun Tərəfdaşlarının və ya hər hansı digər üçüncü tərəfin əmtəə nişanları, xidmət nişanları, loqo və ya digər mənşəli hər hansı nişanından istifadə hüququ vermir. «Tərəfdaş» Visa tərəfindən idarə edilmiş, idarə edilən yaxud Visa ilə birlikdə idarə edilən qurumdur.

    10. Lisenziya verilməsi

    Visa sizə Visa Solution-da qeydiyyatda olduğunuz müddət ərzində bu Şərtlərə uyğun şəkildə Visa Solution-dan istifadə etmək üçün məhdud, ləğvediləbilən, qeyri-eksklüziv, sublisenziya və ötürülmə hüququ verməyən lisenziya verir. Visa bu lisenziyanı istənilən zaman istənilən səbəbdən öz qərarına uyğun olaraq müvəqqəti və ya tamamilə dayandıra yaxud onu ləğv edə bilər. Birmənalı şəkildə sizə verilməmiş bütün hüquqlar Visa, onun Tərəfdaşları və ya onların lisenziyarlarına məxsusdur.

    11. Rəy

    Visa Solution barədə bizə rəy və ya tövsiyələrinizi təqdim etdiyiniz halda, biz onlardan, sizin qarşınızda hər hansı öhdəlik götürmədən istifadə edə bilərik.

    12. İstifadəçinin Davranışı

    Visa Solution-dan istifadənizlə əlaqəli olan bütün müvafiq qanun, normativ akt və qaydalara, habelə digər hüquqi tələblərə əməl edəcəyinizi  qəbul edirsiniz. Bundan əlavə, razılaşırsınız ki:
  • Visa Solution-dan yalnız qanunun icazə verdiyi çərçivədə istifadə edəcəksiniz;
  • Visa Solution-dan bu Şərtlərə uyğun olmayan şəkildə istifadə etməyəcəksiniz;
  • Visa Solution-un və ya Visa Solution-un hər hansı hissəsinin təhlükəsizliyini və ya fəaliyyətini pozmayacaq və ya onlara müdaxilə etməyəcək və ya ondan digər şəkildə sui-istifadə etməyəcəksiniz;
  • Visa Solution-a və ya Visa Solution-un ümumi istifadə üçün qadağan edilmiş hissələrinə icazəsiz giriş əldə etməyə cəhd etməyəcəksiniz;
  • Visa Solution-dan kiminsə şəxsi həyatı üçün yanlış və/və ya ləkələyici, təhqiramiz, vulqar, nifrət oyandıran, narahatedici, nalayiq, kobud, hədələyici, qəsbedici hesab edilə biləcək şəkildə və ya hər hansı üçüncü tərəfin hüquqlarını pozaraq istifadə etməyəcəksiniz;
  • Visa Solution-un hər hansı formada eynisini yaratmayacaq və Visa Solution-u hər hansı bir elektron, mexaniki və ya digər məlumat axtarış sistemində saxlamayacaq və ya ora daxil etməyəcəksiniz;
  • Visa Solution-un və ya onun hər hansı hissəsinin surətini çıxarmayacaq, onları imitasiya etməyəcək, klonlaşdırmayacaq, icarə və ya kirayə verməyəcək, satmayacaq, kommersiya məqsədilə istismar etməyəcək, dəyişdirməyəcək, hissələrə ayırmayacaq, sökməyəcək, paylamayacaq, texniki təhlil etməyəcək və ya ötürməyəcəksiniz;
  • Visa Solution-un düzgün fəaliyyətinə müdaxilə etmək və ya müdaxiləyə cəhd etmək məqsədilə hər hansı cihaz, proqram təminatı və ya altproqramdan istifadə etməyəcək və ya Visa Solution Sisteminə Visa tərəfindən onun öz qərarına uyğun müəyyən edilmiş şəkildə lazımsız və ya qeyri-proporsional ağır yük təşkil edəcək hər hansı fəaliyyət həyata keçirməyəcəksiniz; və
  • Visa və ya Kart verən qurumunuz tərəfindən vaxtaşırı olaraq irəli sürülən istənilən digər tələb, qadağa və ya məhdudiyyətlərə əməl edəcəksiniz.

    13. Zəmanətlərdən İmtina və Öhdəliyin Məhdudlaşdırılması

    VISA SOLUTION BÜTÜN XİDMƏTLƏR DAXİL OLMAQLA, BÜTÜNLÜKLƏ VƏ YA QİSMƏN «OLDUĞU KİMİ» VƏ «MÜMKÜN OLAN KİMİ» ŞƏRTLƏRİ ƏSASINDA, HƏR HANSI BİRMƏNALI VƏ YA FƏRZ EDİLƏN ZƏMANƏTLƏR, O CÜMLƏDƏN, MÜLKİYYƏT HÜQUQUNUN QANUNAUYĞUNLUĞU ZƏMANƏTLƏRİ, TƏYİNATI ÜZRƏ İSTİFADƏSİ ÜÇÜN FƏRZ EDİLƏN SATIŞAYARARLILIQ VƏ YA ÜMUMİ YARARLILIQ ZƏMANƏTLƏRİ OLMADAN TƏQDİM EDİLİR. BİZ VISA SOLUTION SİSTEMİNİN VİRUSSUZ OLDUĞUNA YAXUD VISA SOLUTION-UN İSTİFADƏSİ ZAMANI FASİLƏLƏRİN YARANMAYACAĞINA ZƏMANƏT VERMİRİK. MÜVAFİQ QANUNLA MÜƏYYƏN EDİLMİŞ BÜTÜN HALLARDA SİZ BİRMƏNALI ŞƏKİLDƏ VISA SOLUTION-DAN İSTİFADƏNİZ VƏ ONUN NƏTİCƏLƏRİ VƏ FƏALİYYƏTİ İLƏ BAĞLI BÜTÜN MƏSULİYYƏT VƏ RİSKİ ÜZƏRİNİZƏ GÖTÜRDÜYÜNÜZÜ QƏBUL VƏ TƏSDİQ EDİRSİNİZ. 

    LAQEYDLİK HALI DA DAXİL OLMAQLA HEÇ BİR HALDA VƏ HEÇ BİR ŞƏRTDƏ VISA VƏ ONUN TƏRƏFDAŞLARI VƏ ONLARIN MÜVAFİQ VƏZİFƏLİ ŞƏXSLƏRİ, DİREKTORLARI, MÜŞTƏRİLƏRİ, ÜZVLƏRİ, İŞÇİLƏRİ VƏ YA SƏLAHİYYƏTLİ NÜMAYƏNDƏLƏRİNİN (ÜMUMİLİKDƏ, «VISA TƏRƏFLƏRİ») İSTƏNİLƏN BİRİ HƏR HANSI ÖHDƏLİK NƏZƏRİYYƏSİ NƏTİCƏSİNDƏ VƏ ONA ƏSASƏN, VISA SOLUTION-DAN VƏ/VƏ YA BU ŞƏRTLƏRDƏN YARANMASINDAN VƏ YA ONLARLA BAĞLI MEYDANA ÇIXMASINDAN ASILI OLMAYARAQ DƏYMİŞ HƏR HANSI ZİYAN, İDDİA VƏ YA ZƏRƏRƏ (O CÜMLƏDƏN, ƏVƏZLƏYİCİ, TƏSADÜFİ, BİLAVASİTƏ, XÜSUSİ, CƏZALI VƏ YA CƏRİMƏLİ ZİYANA) GÖRƏ, HƏTTA VISA TƏRƏFİ BU KİMİ ZİYAN, İDDİA VƏ ZƏRƏRLƏRİN MÜMKÜNLÜYÜ BARƏDƏ XƏBƏRDAR EDİLSƏ BELƏ MƏSULİYYƏT DAŞIMIR. 

    YUXARIDAKI ÜMUMİLƏŞDİRMƏNİ MƏHDUDLAŞDIRMADAN VISA TƏRƏFLƏRİ AŞAĞIDAKILARA GÖRƏ SİZ VƏ YA HƏR HANSI ÜÇÜNCÜ TƏRƏF QARŞISINDA MƏSULİYYƏT DAŞIMAYACAQ: (I) VISA SOLUTION-DAN İSTİFADƏNİZ VƏ YA HƏR HANSI SƏBƏBDƏN İSTİFADƏ EDƏ BİLMƏDİYİNİZ ÜÇÜN, O CÜMLƏDƏN, TRANZAKSİYANI KART EMİTENTİNİZİN TƏSDİQLƏMƏKDƏN VƏ YA TİCARƏTÇİNİN QƏBUL ETMƏKDƏN İMTİNA ETMƏSİNƏ GÖRƏ; (II) VISA SOLUTION-LA BAĞLI SATIN ALINMIŞ VƏ YA QƏBUL EDİLMİŞ İSTƏNİLƏN MALLAR, XİDMƏTLƏR VƏ YA MƏLUMAT, O CÜMLƏDƏN BU MALLARI, XİDMƏTLƏRİ VƏ YA MƏLUMATI QƏBUL EDƏ VƏ YA QAYTARA BİLMƏMƏYİNİZ; (III) SİZİNLƏ SATICI ARASINDAKI MÜBAHİSƏLİ İŞ; (IV) KART EMİTENTİNİZ VƏ YA DİGƏR ÜÇÜNCÜ TƏRƏFİN TƏQDİM ETDİYİ HƏR HANSI MƏLUMATDA YER ALANLAR DAXİL OLMAQLA, VISA SOLUTION VASİTƏSİLƏ TƏQDİM EDİLMİŞ HƏR HANSI MƏLUMATDAKI QEYRİ-DƏQİQLİK, NATAMAMLIQ VƏ YA YANLIŞLIQ; (V) VISA SOLUTION-LA ƏLAQƏLİ OLARAQ TOPLANMIŞ, SAXLANILAN VƏ YA GÖNDƏRİLMİŞ MESAJLAR, VERİLƏNLƏR VƏ YA DİGƏR MƏLUMATLARA İCAZƏSİZ DAXİLOLMA VƏ YA ONLARIN DƏYİŞDİRİLMƏSİ VƏ YA İTİRİLMƏSİ; (VI) SƏHVLƏR, SİSTEMİN DAYANMASI, ŞƏBƏKƏDƏ VƏ YA SİSTEMDƏ KƏSİNTİLƏR, FAYL POZULMASI VƏ YA XİDMƏTDƏ FASİLƏLƏR; VƏ YA (VII) VISA SOLUTION-DAN DİGƏR HƏR HANSI ŞƏKİLDƏ İSTİFADƏNİZ. BUNDAN ƏLAVƏ, VISA TƏRƏFLƏRİ BİRBAŞA VƏ YA DOLAYI YOLLA, HƏR HANSI AVADANLIĞIN NASAZLIĞI, ÖTÜRMƏ VƏ YA ÇATDIRILMA PROBLEMLƏRİ VƏ YA HƏR HANSI İSTEHSALAT MÜBAHİSƏSİ, MÜHARİBƏ, TƏBİİ FƏLAKƏT, TERROR AKTI, PARTLAYIŞ, FORS MAJOR VƏ YA BİZİM NƏZARƏTİMİZDƏN KƏNAR HƏR HANSI HADİSƏ SƏBƏBİNDƏN BU ŞƏRTLƏRDƏ NƏZƏRDƏ TUTULMUŞ HƏR HANSI ÖHDƏLİYİN İCRA EDİLMƏMƏSİNƏ GÖRƏ MƏSULİYYƏT DAŞIMIRLAR. 

    BURADA ƏKSİ QEYD EDİLƏN HEÇ BİR ŞEYƏ BAXMAYARAQ, VISA TƏRƏFLƏRİNİN SİZİN QARŞNIZDA HƏR HANSI BİR FƏALİYYƏT NƏTİCƏSİNDƏ YARANMIŞ ÖHDƏLİKLƏRİNİN MƏCMUSU HƏR ZAMAN (A) SİZİN FAKTİKİ İTKİNİZDƏN DAHA AZ MƏBLƏĞLƏ VƏ YA (B) 100 ABŞ DOLLARI İLƏ MƏHDUDLAŞDIRILACAQ. 

    BƏZİ YURİSDİKSİYALAR MÜƏYYƏN ZƏMANƏT, ÖHDƏLİK VƏ ZƏRƏRLƏRDƏN İMTİNA EDİLMƏSİNƏ, ONLARIN İSTİSNA EDİLMƏSİ VƏ YA MƏHDUDLAŞDIRILMASINA İCAZƏ VERMİR, BU SƏBƏBDƏN YUXARIDAKI İMTİNA, İSTİSNA VƏ MƏHDUDLAŞDIRMALARIN BƏZİLƏRİ SİZƏ ŞAMİL EDİLMƏYƏ BİLƏR. BELƏ YURİSDİKSİYALARDA VISA-NIN ÖHDƏLİYİ MÜVAFİQ QANUNVERİCİLİYİN MÜƏYYƏN ETDİYİ HALLARLARLA MƏHDUDLAŞIR. BU ŞƏRTLƏRDƏ HEÇ NƏ VISA TƏRƏFLƏRİNİN AŞAĞIDAKILAR ÜÇÜN ÖHDƏLİYİNİ ARADAN QALDIRMIR: (A) ONLAR TƏRƏFİNDƏN LAQEYDLİK NƏTİCƏSİNDƏ BAŞ VERƏN ÖLÜM VƏ YA SAĞLAMLIĞA ZƏRƏR, (B) SAXTAKARLIQ YAXUD QƏSDƏN ÇAŞDIRMA, YAXUD (C) ÖHDƏLİYİN ARADAN QALDIRILMASI YAXUD MƏHDUDLAŞDIRILMASI VƏ YA ARADAN QALDIRMAĞA YAXUD MƏHDUDLAŞDIRMAĞA CƏHD EDİLMƏSİ İLƏ VISA TƏRƏFLƏRİ ÜÇÜN QEYRİ-QANUNİ OLACAQ İSTƏNİLƏN MƏSƏLƏ.

    14. Dəstəyin olmaması; Ticarətçilərlə mübahisəli işlər

    Visa aşağıdakıları dəstəkləmir yaxud onlara hamilik etmir və onlar üçün məsuliyyət daşımır: (i) hesablaşma təcrübəsini asanlaşdırmağa kömək edən, yaxud Visa Solution ilə əlaqədar istifadə edə biləcəyiniz ödənişlər şəbəkəsi və ya rəqəmsal pulqabılar üçün Kart verən qurumlar və ya operatorlar, yaxud digər üçüncü tərəflər; (ii) Visa Solution-la əlaqəli satın alınmış mallar və xidmətlər yaxud həyata keçirilmiş tranzaksiyalar; (iii) Visa Solution-la əlaqəli satın alınmış mallar və xidmətlər yaxud həyata keçirilmiş tranzaksiyalar üzrə şərtlərə əməl edilməsi; və (iv) Visa Solution-la əlaqəli olaraq malları və ya xidmətləri satın alına biləcək olan, yaxud birlikdə tranzaksiya həyata keçirilən ticarətçilər.

    15. Üçüncü Tərəflərin Vebsaytları, Məzmun və Resursları

    Visa Solution tranzaksiya təcrübəsini asanlaşdırmağa kömək edən üçüncü tərəflər, o cümlədən onların vebsayt, domen yaxud proqramları vasitəsilə əlçatan ola bilər və o, bu cür üçüncü tərəflər, üçüncü tərəflərin vebsayt, məzmun və resursları (sosial media daxil olmaqla) ilə əlaqə saxlamağa yaxud onlara birbaşa qoşulmağa icazə verə bilər. Siz Visa-nın bu cür hər hansı üçüncü tərəflərin nöqteyi-nəzər, mövqe yaxud məzmunlarına və ya onların vebsayt, domen, proqram yaxud resurslarına (hansılar ki, Visa tərəfindən deyil, başqa şirkət və ya şəxslər tərəfindən təqdim edilmişdir) nəzarət etmədiyini və onlarla hər zaman razılaşmadığını qəbul edirsiniz. Siz Visa-nın bu növ vebsayt, məzmun və ya resursların mövcudluğuna görə məsuliyyət daşımadığını təsdiq və qəbul edirsiniz. Bundan əlavə siz Visa-nın bu üçüncü tərəf vebsayt, domen, proqram, məzmun və ya resursları ilə əlaqəli olaraq məruz qaldığınız itki və zərərlərə, o cümlədən Visa Solution vasitəsilə həyata keçirilmiş satınalmalar nəticəsində sizə dəymiş hər hansı itki və ya zərərlərə görə sizin qarşınızda məsuliyyət daşımadığını qəbul edirsiniz.

    16. Visa Solution-a və bu Şərtlərə dəyişikliklər; Ləğvetmə

    Visa öz qərarına uyğun olaraq Visa Solution-un hər hansı və ya bütün aspektlərini, o cümlədən Visa Solution-un hər hansı hissəsinin mövcudluğunu istənilən vaxt sizi xəbərdar edərək və ya etməyərək müvəqqəti və ya daimi olaraq ləğv edə, dəyişə, düzəliş edə, dayandıra, təkmilləşdirə və ya davam etdirməyə bilər və siz Visa-nın bu fəaliyyətlərdən hər hansı birinin həyata keçirilməsi nəticəsində sizin və ya hər hansı üçüncü tərəfin qarşısında məsuliyyət daşımaması ilə razılaşırsınız. Visa Solution-un hər hansı yaxud bütün aspektlırinə edilmiş hər hansı dəyişiklik, düzəliş yaxud təkmilləşdirmələrdən sonra Visa Solution-dan istifadəyə davam etməyiniz sizin bu cür dəyişiklik, düzəliş yaxud təkmilləşdirmələri qəbul etməyiniz və bu Şərtlərin bu cür dəyişiklik, düzəliş yaxud təkmilləşdirmələrlə birgə Visa Solution-a şamil edilməsinin mümkün olması kimi başa düşüləcək.

    Bu Şərtlərdən hər hansı birini qəbul etmirsinizsə, Visa Solution-dan istifadə etməməlisiniz. Visa bu Şərtləri istənilən vaxt öz qərarına uyğun olaraq dəyişdirmək hüququnu özündə saxlayır. Visa, biz bu halda məntiqəuyğun olduğunu hesab etdiyimiz kimi yeni versiyasını bildiriş verməklə (Visa Solution-u təmin etmək məqsədilə saxlanılan bizim Vebsaytda yaxud istənilən digər vebsaytda bu cür bildiriş daxil olmaqla) yerləşdirərək, Şərtləri dəyişdirə bilər. Biz hər zaman bu Şərtlərin ən son versiyasını Vebsayta yerləşdirəcəyik. Ən son dəyişdirilmə tarixi aşağıda «Son Yenilənmə» tarixi ilə qeyd olunacaqdır. Müvafiq qanunvericiliyin müəyyən etdiyi bütün hallarda sizin bu cür istənilən dəyişiklikdən sonra Visa Solution-dan istifadəyə davam etməyiniz və ya onda iştirakınız bu Şərtləri dəyişdirilmiş şəkildə qəbul etdiyinizi bildirir.

    Visa Solution-dan istifadənizi istənilən vaxt dayandıra bilərsiniz (o cümlədən, Şərtlərə etdiyimiz dəyişikliklərdən məmnun olmadığınız üçün). Visa Solution-un vebsaytının Müştəriyə Dəstək bölməsindəki göstərişlərə əməl edərək Visa Solution-un qeydiyyatını ləğv edə bilərsiniz. Visa istənilən vaxt (i) bu Şərtlərdən hər hansı birini pozduğunuz halda və ya (ii) Visa-nın öz qərarına uyğun olaraq kommersiya baxımından istənilən digər məntiqəuyğun səbəbdən Visa Solution-a girişinizi və ya ondan istifadənizi dərhal və sizə öncədən xəbərdarlıq etmədən və ya qarşınızda məsuliyyət daşımadan müvəqqəti yaxud tamamilə dayandıra, və ya ləğv edə bilər. Visa, Visa Solution-a girişinizin müvəqqəti yaxud tamamilə dayandırılması, ləğv edilməsi, dəyişdirilməsi və ya modifikasiya edilməsinə görə qarşınızda məsuliyyət daşımır. Ləğv edildikdən sonra bu Şərtlərə əsasən sizə aid olan bütün ödəniş və digər öhdəliklərə görə məsuliyyət daşımağa davam edirsiniz.

    17. Ümumi Şərtlər

    1. Qeydlər.
      Visa-nın sizə Visa Solution-la bağlı e-poçt vasitəsilə, Vebsayt-da yerləşdirməklə yaxud digər elektron ünsiyyət vasitələrindən istifadə edərək bildiriş və digər açıqlamalar təqdim edə biləcəyini qəbul edirsiniz. Sizə göndərdiyimiz bütün elektron ismarıclar «yazılı» ismarıclar hesab edilməli və faktiki olaraq qəbul edildiyi tarixdən gec olmayaraq və ya yerləşdirilməsindən və ya yayılmasından sonrakı beş gün ərzində sizə çatdırılmış hesab edilməlidir. Biz sizi Visa Solution-dan istifadənizlə bağlı kağızda yazılı şəkildə olmaqla əlavə məlumatla təmin etməyə borclu deyilik.
      Bizdən məlumat əldə etmək üçün e-poçtunuzu müntəzəm olaraq yoxlamaq sizin işinizdir. Siz bizdən gələn e-məktubların e-poçt hesabınızda bloklanmamasını və bizə təqdim etdiyiniz e-poçt ünvanının mövcud olmasını təmin etməlisiniz. Bundan əlavə, bizə elektron formada təqdim etdiyiniz qeydlərdə göstərildiyi kimi hərəkət etməyimizə icazə verirsiniz.
      Elektron formada olan məlumatları əldə etmək yaxud Visa Solution hesabı ilə bağlı fəaliyyət göstərmək üçün Visa Solution hesabında istifadəçi adınız olmalıdır.
    2. Hüquqlardan imtina.
      Bu Şərtlərdə yer alan hər hansı müddəa və ya hüququn təmin edilməsi və ya həyata keçirilməsində uğursuzluğumuz və ya gecikməmiz bu müddəa və ya hüquqdan imtina etməyimiz hesab edilə bilməz.
    3. Müqavilənin tamamı.
      Bu Şərtlər Visa Solution-dan istifadənizlə bağlı Visa ilə sizin aranızdakı müqavilənin tamamını təşkil edir.
    4. Müqavilənin bölünməsi.
      Siz və Visa bu Şərtlərin hər hansı müddəası məhkəmə və ya səlahiyyətli yurisdiksiya tərəfindən qanunazidd, etibarsız (qanuna əsasən olmaqla) və hər hansı bir səbəbdən tətbiq edilə bilməyən hesab edilərsə, həmin müddəanın bu Şərtlərdən ayrıla bilən hesab ediləcəyini və yerdə qalan müddəaların etibarlılığına və hüquqi qüvvəsinə təsir etməyəcəyini qəbul edirsiniz.
    5. Şərh edilməsi.
      Sərlövhə və başlıqlar yalnız rahatlıq üçündür və şərh məqsədilə daxil edildikləri düşünülməməlidir. «Bu şərtlərin», «bu şərtlərdə», və «bu şərtlərdəki» ifadələri bu Şərtlərin hər hansı bir hissəsinə deyil, Şərtlərin tamamına aiddir. «O cümlədən» ifadəsi «o cümlədən, məhdudiyyətsiz» kimi başa düşülməlidir. Bu sənədin harasında istifadə olunmasından asılı olmayaraq tək hal cəm halı, cəm hal tək halı ehtiva etməli, hər hansı cinsə aid olan qeydlər bütün cinslərə aid edilməlidir.
    6. Tərəflərin Münasibətləri.
      Bu Şərtlərin heç bir hissəsi sizlə Visa arasında birgə müəssisə, tərəfdaşlıq, iş və ya agentlik əlaqələrinin təsis edilməsi kimi başa düşülməməlidir və siz Visa adından hər hansı öhdəlik yaratmaq və ya bəyanat vermək səlahiyyətinə malik deyilsiniz.
    7. Zərərin qarşılanması.
      Müvafiq qanunvericiliyin müəyyən etdiyi bütün hallarda siz Visa tərəflərini bu Şərtləri pozmağınıza görə, bunun nəticəsində və ya bununla bağlı yaranmış istənilən zərər, öhdəlik, iddia və ya tələbdən azad edəcəyiniz, müdafiə edəcəyiniz və qoruyacağınızla razılaşırsınız.
    8. Mübahisəli işin həlli və Tənzimləyici Qanun.
      Qanunvericiliyin müəyyən etdiyi bütün hallarda siz və Visa razılaşırsınız ki:
      1. aşağıda H (b.) bölməsində qeyd edilənlərdə deyil, Meyarlara uyğun digər Yurisdiksiyada yaşayırsınızsa, sizə aşağıdakı tənzimləyici qanun və arbitraj müddəası şamil edilir:
        BU BÖLMƏ ARBİTRAJ MÜDDƏASINI EHTİVA EDİR. ZƏHMƏT OLMASA BU MÜDDƏANI DİQQƏTLƏ OXUYUN. O, VISA SOLUTION VƏ YA BU ŞƏRTLƏRLƏ BAĞLI İSTƏNİLƏN İDDİANIN MƏCBURİ ARBİTRAJ YOLU İLƏ HƏLL EDİLMƏLİ OLDUĞUNU NƏZƏRDƏ TUTUR. ARBİTRAJDA NƏ SİZ, NƏ DƏ VISA İDDİALARI MƏHKƏMƏ QARŞISINDA QALDIRMAQ VƏ YA İDDİALARI ANDLILAR MƏHKƏMƏSİNƏ ÇIXARMAQ HÜQUQUNA MALİK OLMAYACAQSINIZ. İDDİALARA ARBİTRAJ MƏHKƏMƏSİNDƏ YALNIZ FƏRDİ QAYDADA BAXILA BİLƏR. MƏHKƏMƏDƏN ÖNCƏ İSTİNTAQ HÜQUQLARI VƏ MƏHKƏMƏDƏN SONRA APELLYASİYA HÜQUQLARI MƏHDUDLAŞDIRILACAQ, LAKİN ARBİTR BU ŞƏRTLƏRƏ UYĞUN OLARAQ İCAZƏ VERİLMİŞ ŞƏKİLDƏ ZƏRƏR VƏ TƏZMİNATI MÜƏYYƏNLƏŞDİRƏ BİLƏR.
        Visa Solution və ya bu Şərtlərlə bağlı, o cümlədən bu Şərtlərin formalaşdırılması, şərhi, pozulması, həyata keçirilməsi, ləğv edilməsi, tətbiqi və ya hüquqi qüvvəsi ilə bağlı, bu müddəanın hüquqi qüvvəsi və etibarlılığı, eləcə də arbitraj predmeti ola biləcək müqavilənin (H(a) bölməsində «Mübahisəli iş» kimi verilmiş) arbitraja irəli sürülməsinin miqyası və mümkünlüyü ilə bağlı yaranan istənilən mübahisəli iş, iddia səbəbi, iddia və ya ziddiyyət yalnız bu bölmədə müəyyən edilmiş prosedur və arbitraj şərtinə uyğun olaraq həll edilməlidir. Sizlə Visa arasındakı istənilən mübahisə məcburi arbitraj yolu ilə həll edilməlidir (daimi yaşayış yeri ABŞ olub, kiçik iddialar məhkəməsində (iddialar uyğundursa) iddia qaldıra bilənlər istisna olmaqla). Bu arbitraj müddəası yalnız Visa-nın Visa Solution-la bağlı mübahisəli işlərə şamil edilir. Meyarlara uyğun kartı verən qurumla mübahisəli işiniz olduğu halda həmin mübahisəli işi kartı verən qurumunuzla həll etməlisiniz.
        Daimi yaşayış yeriniz ABŞ olduğu halda, sizlə Visa arasında olan istənilən arbitraj qərarı JAMS-ın Ümumi Arbitraj Qaydalarına və Prosedurlarına, ABŞ-dan kənarda yaşadığınız halda isə JAMS-ın Beynəlxalq Arbitraj Qaydalarına uyğun olaraq həyata keçiriləcək (həmin qaydalar bu müddəa ilə ziddiyyət təşkil etmədiyi halda). Bu qaydaların surətini JAMS-a zəng edərək (1-800-352-5267), JAMS-a yazaraq (620 Eighth Avenue, 34th Floor, New York, NY 10018) və ya www.jamsadr.com, yaxud www.jamsinternational.com/ səhifələrindən əldə edə bilərsiniz.
        HƏR BİR TƏLƏB ÜZRƏ ARBİTRAJ İCRAATI AYRI-AYRILIQDA HƏYATA KEÇİRİLMƏLİDİR. BU O DEMƏKDİR Kİ, HƏM SİZƏ, HƏM DƏ VISA-YA, YAZILI ŞƏKİLDƏ RAZILAŞMAYA GƏLMƏDİYİNİZ HALDA, ARBİTRAJ MƏHKƏMƏSİNDƏ BAŞQALARINA QARŞI VƏ YA BAŞQALARI TƏRƏFİNDƏN İDDİALARI BİRLƏŞDİRMƏK, ELƏCƏ DƏ HƏM SİZƏ, HƏM DƏ VISA-YA A SİNFİN NÜMAYƏNDƏSİ VƏ YA ÜZVÜ QİSMİNDƏ ARBİTRAJ MƏHKƏMƏSİNƏ MÜRACİƏT ETMƏK QADAĞANDIR. BU ŞƏRTLƏRİ QƏBUL EDƏRƏK, SİZ VƏ VİSA A SİNFİ ÜZRƏ İŞDƏ İŞTİRAK ETMƏK HÜQUQUNDAN İMTİNA EDİRSİNİZ.  Arbitraj məhkəməsi bir arbitr qarşısında həyata keçirilir. Arbitraj məhkəməsi (i) telefon vasitəsilə, onlayn və/və ya yalnız yazılı materiallar əsasında həyata keçirilməli, konkret qaydanı arbitraj məhkəməsini başladan tərəf seçməlidir; və (ii) tərəflər arasında əksi razılaşdırılmadığı halda, tərəflər və ya şahidlər məhkəmədə əyani şəkildə iştirak etməməlidirlər. Arbitr sizinlə Visa arasında qarşılıqlı şəkildə razılaşdırılmalıdır. Siz və Visa arbitrlə bağlı razılığa gələ bilmədikdə, arbitr JAMS prosedurları əsasında təyin edilir. Əgər hər hansı səbəbdən mübahisəli işə arbitrajda deyil, məhkəmədə baxılarsa, siz və Visa andlılar məhkəməsi hüququndan imtina edirsiniz.
        Vəkil tutmağı seçə bilərsiniz, lakin qarşınıza belə bir tələb qoyulmur. Tətbiq edilən qanunvericilik çərçivəsində arbitr tərəfindən təyin edilmədiyi halda, hər tərəf öz vəkil xidməti xərcləri üçün cavabdeh olacaq. Arbitrajı başladan tərəf qeydiyyat haqqını ödəyir (çətinliyin aşkar edilməsi səbəbindən JAMS tərəfindən başqa cür diktə edilmədiyi təqdirdə). Visa arbitrajla əlaqədar qalan bütün inzibati, işlərin idarə edilməsi və arbitraj rüsumlarını əvvəlcədən birbaşa JAMS-a ödəyəcək. Arbitrajın sonunda Visa tərəfindən ödənmiş rüsumlar arbitrin göstərişi ilə JAMS prosedurlarına əsasən sizinlə Visa arasında bölüşdürülə bilər.
        Arbitraj haqqında bu müddəanın miqyası və məhkəmə qaydasında icrasının mümkünlüyü daxil olmaqla, bütün məsələlər üzrə arbitr tərəfindən qərar verilir. Arbitrin istənilən qərarı yekun hesab edilməlidir. Məbləğ üzrə məhkəmə qərarı yurisdiksiyası olan hər hansı məhkəmə tərəfindən verilə bilər. Bu maddə tərəflərin arbitraja yardım üçün müvafiq yurisdiksiya məhkəməsindən ilkin məhkəmə müdafiəsi vasitəsi təmin etməyə çalışmasının qarşısını almır. Yuxarıdakı 13-cü Bölmədə təsvir edildiyi kimi, Visa-nın öhdəliyi müvafiq qanunla müəyyən edilən maksimum səviyyə ilə məhduddur.
        Bu Şərtlər və tərəflərin buradakı hüquqları kolliziya hüququ normaları istisna olmaqla, Delaver ştatının qanunlarına əsasən tənzimlənməli və şərh edilməlidir.
        Bu bölmədəki arbitraj müddəasının hüquqi qüvvəsi olmadığı bəlli olarsa, yaxud kollektiv iddia hüquqlarından imtinanın hər hansı səbəbdən kollektiv iddia qaldırılan zaman hüquqi qüvvəsi olmadığı bəlli olarsa, o zaman aşağıdakı H (b.) bölməsində təsvir edilən tənzimləyici qanun və məhkəməlik olub-olmama ilə bağlı müddəalar şamil edilir.
        Bu Bölmənin qalan hissəsi ABŞ sakinlərinə şamil edilir:
        Arbitr qanunvericilik aktının müddəaları əsasında tələb olunmadığı halda, cəza və ya cərimə məqsədilə zərərin əvəzinin və ya ilkin faizlərin ödənməsi haqqında qərar verə bilməz; arbitr həmçinin itirilmiş mənfəət və ya üçüncü tərəflərin məruz qaldığı zərər daxil olmaqla, hər hansı birbaşa, dolayı və ya təsadüfi zərərin əvəzinin ödənməsi barədə qərar çıxara bilməz. Təmin edilmiş hər hansı təzminat digər Visa Solution istifadəçilərinə təsir edə bilməz. Tərəflər təsdiq edirlər ki, bu Şərtlər ştatlararası ticarətin daxil olduğu tranzaksiyaya sübutdur. Əvvəlki paraqrafda yer alan müvafiq maddi hüquq haqqında müddəaya baxmayaraq, Şərtlərə və bu bölməyə uyğun olaraq həyata keçirilmiş hər hansı arbitraj prosesi haqqında Federal Arbitraj Aktı ilə tənzimlənir (9 U.S.C. (ABŞ qanunlar toplusu) 1-16-cı Bölmələr).
      2.  (i) Argentina, Braziliya, Kanada və ya Avropadakı meyarlara uyğun yurisdiksiyanın, (ii) yuxarıda H (a) paraqrafındakı arbitraj müddəasının hüquqi qüvvəsinin olmadığı meyarlara uyğun hər hansı digər yurisdiksiyanın, yaxud (iii) kollektiv iddia hüquqlarından imtinanın hər hansı səbəbdən kollektiv iddia qaldırılan zaman hüquqi qüvvəsinin olmadığı meyarlara uyğun hər hansı digər yurisdiksiyanın sakininizsə, aşağıdakılar şamil edilir: (x) bu Şərtlər və Visa Solution-dan ortaya çıxan yaxud onlarla bağlı yaranan istənilən mübahisəli iş, iddia yaxud iddia qaldırma səbəbi sakini olduğunuz meyarlara uyğun yurisdiksiyanın qanunlarına uyğun olaraq tənzimlənir və şərh edilir; və (y) bu Şərtlər və Visa Solution-dan ortaya çıxan yaxud onlarla bağlı yaranan istənilən mübahisəli iş, iddia və ya iddia qaldırma səbəbi meyarlara uyğun müvafiq yurisdiksiyada yerləşən mülki işlər üzrə səlahiyyətli məhkəmələrdə həll edilməlidir. İstənilən icbari istehlakçı hüquqlarının qorunması üzrə qanunu şamil edilməyə davam edir.
    9. Hüquq və öhdəliklərin ötürülməsi.
      Bu Şərtləri Visa-nın əvvəlcədən yazılı razılığı olmadan qanun əsasında və ya başqa yolla üçüncü tərəfə ötürə bilməzsiniz. Visa bu Şərtləri və buradakı hüquq və öhdəlikləri sizə bildiriş vermədən və ya razılığınızı almadan hər hansı üçüncü tərəfə ötürmək hüququnu özündə saxlayır. Yuxarıda qeyd edilənlərdən asılı olaraq, bu Şərtlər sizə və sizin müvafiq varisləriniz və hüquqi vərəsələriniz üzərində öhdəlik yaradacaq, maraqlarınıza xidmət edəcək və sizə qarşı iddia qüvvəsinə malik olacaq. Visa Solution-dan istifadənizi istənilən vaxt dayandıra bilərsiniz (o cümlədən, Şərtləri ötürdüyümüzə görə məmnun olmadığınız üçün).
    10. Ayrı-ayrı ölkələrə xas olan müddəalar.

    K. Qüvvədə qalma.
    u Şərtlərin ləğv edilməsinə baxmayaraq, bu Şərtlər ləğv edilmədən əvvəl tərəfinizdən Visa Solution-dan istifadənizə şamil edilməyə davam edir. Öz xüsusiyyətinə görə bu Şərtlərin qüvvədə qalmalı olan istənilən bölməsi, o cümlədən Mübahisəli işin həlli və Tənzimləyici Qanun bölmələri daxil olmaqla, bu Şərtlərin yaxud Visa Solution-dan istifadənizin istənilən ləğvetməsi zamanı qüvvədə qalmalıdır.

    L. Bizimlə əlaqə.
    Visa Solution ilə bağlı hər hansı sualınız yaxud narahatçılığınız varsa, lütfən Vebsaytda Tez-tez verilən suallar bölməsinə baş çəkin. Tez-tez verilən suallar bölməsində istədiyiniz suala cavab tapmadığınız halda, məktub yazaraq bizimlə əlaqə saxlaya bilərsiniz: Visa U.S.A. Inc., Visa Solution, 900 Metro Center Blvd., Foster City, CA 94404-2172, USA, or Bizimlə e-poçt vasitəsilə əlaqə saxlayın..

Son redaktə tarixi: 1 iyul 2024-cü il

© 2024 Visa. Bütün hüquqlar qorunur.

Visa Müştəri Dəstəyi

Məxfilik Bildirişi

Müştəri Dəstəyi